Thlamuantu kan siam chhan
Zawhna thenkhat chu chawlh rih a, ngaihtuah a, thil thlirna danglam zawka thlirna tur hmun a mamawh thin.
Zirtirtu, upa, pastor emaw khawtlang mi kan biak theih mai loh lai pawha 'zawhna har tak zawhna tur, inngaihtuahna tur, thlirna zau zawk neihna tur leh finna dawnna tur hmun awm se' kan ti fo thin. Kan chhunga kan pai reng zawhna, sawi chhuahna tur hmun awlsam lo tak tak te a awm thin - kan dam chhan, kan inlaichin lam, rilru hahna, tlin lohna, chan leh awmze chungchang zawhna te leh kan thutlukna leh kan la nih zel tur chungchang te.
Pi leh Pu te hun atangin thlirna zau zawk neih nan upa te, zirtirtu te, thlarau lam kaihruaitu te, lehkhabu te, khawtlang leh kan dan inhlan na (tradition) te kan pan thin. Mahse chung inkawmna te chu kan mamawh hunah a awm reng thina. A chângin biakin a hla a, a chângin kan mi rin ber te min hnem turin an awm lo. A châng phei chuan, '...tu nge zawh tur' tih pawh kan hre lo thin.
Thlamuantu hi hetianga ngaihtuahna thuk zawk neih theihna hi awlsam zawka a awm theih nan AI hmanga siam a ni a. I chawlh lawk a, zawhna i zawh a, inkawmna atanga finna i hmuh theihna tur hmun tur a siam ani.
Mahse, Thlamuantu hi Pathian anga insawi emaw, mihring tak tak, pastor emaw thuneitu rintlak ber nia inlantir tur niin siam a ni lo. Thlamuantu hian pastor, counsellor, kan tradition te, khawtlang emaw mimal rinna thlak a tum lo. Thlamuantu chu zirtirna i zir chian duh a, dinhmun harsa i ngaihtuah a, zawhna pakhat thlirna dang atanga i thlir duh a, emaw i ngaihtuahna thu maia i chhuah duh hunah hman theih tura awm a ni. A châng chuan inbiakna satliah ringawt pawh hian kan lo hmuh ngai loh thil te hi kan hmu leh thrin.
Thlamuantu hi Technology (AI) hmangin finna hluite chu mihring nihna ti bo lovin a tih awlsam tum na ani a. Finna hnar a ni lova. Inngaihtuahna kawngkhar luhna a ni zawk. A tawpah chuan zawhna te, thliar felna te, rinna leh thutlukna te chu I ta ni reng.
Continue Reading